كالعاده
وبما اني من عشاق التلفزيون _ لفت انتباهي مذيع كويتي غيور على دولته محتد بنقاشه ، اغرب ما في الموضوع ان المذيع كان منفعل بدرجه كبيره لكن دون وجود ضيف معه بالاستديو كان يحاور المشاهدين ويطلب رايهم ويطلب من احد المسؤولين الاتصال عليه وافهامه السر وراء انفاق مبلغ وقدره 280 مليون دينار (( عور قلبي الصراحه ))
حاولت اندمج بالموضوع عشان اتفهم موقف المذيع
وفعلا كان الموضوع يثير الاعصاب ويخلي الدم يغلي
الموضوع
ان الكويت تستعد لبناء طريق والقيمه الاجماليه 280 مليون دينار
يا جماعه مو مشكله صرفوا 280 مليون دينار على الديره عادي احنا كويتيين ونستاهل (( صج ان الاجانب اكثر من الكويتيين بالديره بس هم نستاهل دلعونا بهالحر وعدلوا لنا ديرتنا )) لــــكــــن هالتكلفه كلها على 11 كيلو متر بــــــس !!
قـــــــــــويـــــــــه تـــــــــــــــــــــــــــــــــــــــــرى ..!!
(( يعني ودي اصدق ودي ودي بس قويه قويه ترى قويه )) .. !!
لا طبعا قالوا مو بس عشان 11 كيلو ، فيه غير الـ11 كيلو في 7 كيلواتطريق مرتفعوهذا اللي ضخم المبلغ
سبحان الله
ومن الاتصالات المشاركه بالبرنامج والمسجات :
1- مهندس سعودي يعمل حاليا على مشروع طريق من 4 حارات يشمل 7 جسور مع 4 محطات توقف حافلات ووزن بنص التكلفه (( هااا شراااايكم ))
2- مهندس من الكويت شارك بمسج وقال انا اجهز المشروع بتكلفه 10 الاف لكل كيلو متر يعني 110 الاف دينار (( وحسبوا الفرق ))
3- من مقاول كويتي اخر اكد على ان التكلفه الفعليه لا تتجاوز ما تم ذكره سابقا .
4- مسج من البحرين انه متزوج حديثا وبمجرد وصوله للكويت بيتمشى مع زوجته في الشارع بو 280 مليون
يعني شنو هالاسفلت اللي بينحط ؟؟
وهل عواميد الاناره من ذهب ؟؟
وهل النخل اللي بتتم زراعته من الذهب ؟؟
او يمكن يكون الطريق مغطى ومكيف ومبرمج ان السياره تسوق بروحها :)
مــــــــــــــادري شنو السر بالشااااااااااارع اللي كله على بعضه 11 كيلو متر
وبالاخير لايسعني ان اقول الا
انــــت كـــويـــتــــي ارفـــــع رااااسك
انت كويتي عايش بالديره واقساطك فوقك وقورض وملايين يتم اسقاطها عن غيرك
انت كويتي عايش بالديره والمجاري طافحه تحتك ويشيلونها بتناكر عشان ما تخيسك اكثر
انت كويتي والعماله الوافده عايشه افضل منك يوفرون لها سيارات وفلل للسكن واعلى الرواتب لهم
انت كويتي وما خفي كان اعظم مني ومنك (( يا جماعه هونوها وتهون والهون ابرك ما يكون ))
ملاحظه
صحيح اني مو مهندسه ولا محاسبه لكن لا اطلب سوى ان يتم التحدث مع العاقل بما يعقل
مـع حبـي
عـاشـقـة الـوردي
