الى الصديق العزيز سالم
ردي خاص على موضوعك الاخير المطروح بعنوان (( الى حكومتنا الرشيده بعد التحيه )) ، طبعا كلامك صح الصح والله يلوم اللي يلومك انت انسان اولا و صاحب قضيه والقضيه عادله ومحد راضي يحكم فيها وينصفك ثانيا ، وطبعا هذا مو بس حالك هذا حال الاف الترانسكشوال الـ FTM و MTF
و اللي حبيت اقوله لك ان مهما تكلمت ومهما قلت ومهما سويت صدقني محد راح يرد عليك تدري ليش ؟
لان الديره ديره اللي عنده فيتامين و اولا
لان الديره لاهيه بامور تحت الطاوله ثانيا
لان الديره غطست ومحد داري عنها ثالثا
لان وصلنا لمرحلة الشاطر اهو اللي ياخذ نصيب الاسد من الكيكة
ما اقصد احبط من عزيمتك وعزيمه وايد ناس غيرك يسعون ورا قضيتهم ويتمنون يوصلون فيها لحل يكون مرضي لهم ولغيرهم
على العكس
على الرغم من انك تكلم اللا موجود
الا انك بالمقابل قاعد تكلم فئه كبيره وتدعمهم بطريقه رائعه ممكن ما تكون حاس بهالشي لكن صدقني خلف شاشات الكمبيوترات الاف من الناس اللي تعاني ومواضيعك سواء كانت موجهه لهم او لاي شخص اخر تكون كالايد الحنونه اللي قاعد تمسح ملايين الدمعات عن خدود الاف المعانين وتطبطب عليهم وتواسيهم وتدعمهم في رفع معنوياتهم لتكملة مشوار صعب جدا
واقولك
مشكور ياسالم والله يعطيك العافيه وماقصرت الصراحه ، واتمنى تبقى دايما مصدر دعم للكثيرين
وبخصوص الكتاب الصادر عن المجلس الوطني للثقافه والفنون والاداب واللي يتكلم عن موضوع جنوسية الدماغ ، فهذا بحد ذاته اعتراف بمشكلة الترانسكشوال لكن شتقول غير باب النجار مخلع (( يعني اصدار كتاب مثل هذا من دائره حكوميه .. وبالمقابل يرفضون الاعتراف بالمشكله فهذي طامة كبرى بحد ذاتها ))
مـع تـحـيـاتـي
عـاشـقـة الـوردي
1 التعليقات:
مساء الخير
إلى الصديقة الغالية تشتوشه..
لك مني كل تحية وود ..
أما بعد فشكرا لك على الإهتمام الصادق بهذا الموضوع.والله يعطيج العافيه على هالمضووع :)
فعلا سعادة كبيرة أن يرى الإنسان أن هناك الكثير والكثير من الناس يشعرون بأحساسيه ومشاعره حتى لو كان ذلك في أمر لايعانون هم منه.
فكم هو فعلا جميل الإحساس الصادق بالآخرين ومساندتهم في ألأمور التي على حق.
شكرا لك مرة أخرى وتسلم إيــــــدج وخوووووش موضوع وكالمعتاد لك مني الإبداع نصيب :)
وبإنتظار المزيد من إبداعاتك في الكتابة,,
وأسال الله المولى عز وجل التوفيق لك في الدنيا والآخرة مع جميع أحبابك ومن يعز عليك ولك مني كل تحية وتقدير،،
سالم
إرسال تعليق
شاركني برأيك